Fransada keçirilən Avropa çempionatının “F” qrupu çərçivəsində III turun oyunları keçirilib.

Xeberinfo.com:   Məlumata görə  , yaşıl meydanlarda Portuqaliya Macarıstanla, Avstriya isç İslandiya ilə üz-üzə gəlib.

Portuqaliya-Macarıstan matçında 3-3 hesablı nəticə qeydə alınıb və hər iki komanda 1/8 final mərhələsinə vəsiqə qazanıb.
Oyunda hesabı macarlar açıb. 19-cu dəqiqədə Zoltan Gera komandasına üstünlük qazandırıb – 1-0. Lakin 42-ci dəqiqədə Nani hesaba tarazlıq gətirib. 47-ci dəqiqədə Macarıstan Balazs Dzsudzsakın qolu ilə yenidən önə keçib – 2-1. Lakin bu üstünlük çox sürməyib. Səhnəyə Kristiano Ronaldo çıxıb. O, 50-ci dəqiqədə hesabı 2-2 edib. Lakin 55-ci dəqiqədə Balazs Dzsudzsak yenidən fərqlənib – 3-2. Buna baxmayaraq Kristiano Ronaldo 62-ci diqəqidə hesabı 3-3 edib. Görüş bu hesabla da başa çatıb.
Paralel keçən qarşılaşmada İslandiya Avstriyanı 2:1 hesabı ilə məğlub edərək qrup ikinciliyinə yüksəlib.
Və beləliklə Macarıstan qrup lderi olub. Portuqaliya isə qrup üçüncüsü kimi “play-off” mərhələsinə yüksəlib.