AZ
RU
"Qalatasaray"dan Azərbaycana dəstək
Ermənistandan işğal olunmuş əraziləri tərk etməsini tələb edən petisiyaya İstanbulun «Qalatasaray» futbol klubundan da dəstək gəlib.
Xeberinfo.com: Bu haqda klubun rəsmi "Facebook" səhifəsində bildirilir.
««Qalatasaray» ailəsi olaraq qardaşımız Azərbaycanı dəstəkləmək üçün başlanan kampaniyaya bir imzanı da biz atırıq», – deyə səhifədə vurğulanır.
Petisiyanın azərbaycanlı təşəbbüskarları Ermənistandan işğal edilən əraziləri boşaltmasını tələb edir. Petisiyada həmçinin ATƏT-in Minsk qrupunun Dağlıq Qarabağ probleminin həlli ilə bağlı müsbət rol oynaya bilmədiyi qeyd edilir.
«Qalatasaray» klubunun Azərbaycanda da çoxsaylı azarkeşi var.
