AZ
RU
"Neftçi"-"AZAL" oyunu başa çatdı
Bu gün Topaz Premyer Liqasının XVII turuna Bakıda yekun vurulub.
Xeberinfo.com: Məlumata görə, günün son qarşılaşmasında “Neftçi” “Bakcell Arena”da AZAL-ı qəbul edib. Əsgər Abdullayevin baş məşqçi təyinatından sonra məğlubiyyət görməyən “Neftçi” son üç turdu uduzmayan AZAL-dan zəif olub - 0:1.
AZAL cari mövsümdə səfərdə ilk qələbəsinə sevinib. “Flaqman” isə bu oyunda xal itirməklə hazırda qərarlaşdığı 5-ci pilləni də əldən verib. Belə ki, Ruslan Nəsirli 29-cu dəqiqədə AZAL-ın qalibiyyət qolunu vurub.
Beləliklə, xalını 19-a yüksəldən Tərlan Əhmədovun komandası yeddinci pilləyə qalxıb. Əvəzində, xalını artıra bilməyən “Neftçi” beşinci pillədən altıya yuvarlanıb.
