“Vaxtilə uğurları üçün çalışdığım Xorvatiya millisini təbrik edirəm. Avropa çempionatının final mərhələsinə vəsiqə qazanmaq yaxşı nəticədi”.

"Xeberinfo.com":   Məlumata görə, bu sözləri Azərbaycan milli komandasının baş məşqçisi Robert Prosineçki deyib.

Xorvatiya mətbuatına açıqlama verən mütəxəssis vaxtilə futbolçu kimi şərəfini qoruyub, Slaven Biliçin çalışdırıcılığı dövründə köməkçi-məşqçisi olduğu yığma haqda fikirlərini bildirib. Prosineçki Xorvatiya millisinin potensialının böyüklüyündən danışıb: “Xorvatiya yığmasında fərdi ustalığı yüksək səviyyədə olan futbolçular çıxış edir. Bu komandanın böyük potensialı var. Düşünürəm ki, komandanın ən yaxşı oyununu göstərəcəyi anı gözləmək lazımdı. Yığmanın Fransada uğur qazanıb-qazanmayacağını söyləyə bilmərəm. Amma Xorvatiya millisi əvvəllər olduğu kimi yenə çox güclüdü”.

Qeyd edək ki, Prosineçki 1991-2002-ci illərdə formasını geydiyi Xorvatiya yığmasında DÇ-1998-in bürünc mükafatçısı olub. 2006-10-cu illərdə bu komandadan məşqçi kimi fəaliyyət göstərən mütəxəssis 2014-cü ilin dekabrından Azərbaycan millisinə rəhbərlik edir.