AZ
RU
“Xəzər Lənkəran”ın yeni transferi: “Məni Dənizli istədi, Mənsimov çağırdı”
"xeberinfo.com":Makedoniyalı futbolçu Deyan Blajevski “Xəzər Lənkəran” klubuna keçidindən danışıb. Məlumata görə, 29 yaşlı hücumçu “ağ-yaşıllar”a transferində bu komandada çıxış edən həmyerlisi Nikola Qliqorovun böyük rol oynadığını bildirib.
Blajevski deyib: “Qliqorov zəng edərək, klubun mənimlə maraqlandığını söylədi. Məni “Xəzər Lənkəran”ın baş məşqçisi Mustafa Dənizli öz komandasında görmək istəyib. Klub prezidenti Mais Mənsimov isə Nikolaya deyib ki, məni çağırsın. Bu, karyeramı başa vurmaq fikrində olduğum klubdur”.
Təcrübəli hücumçu mövsümün ikinci yarısında “Xəzər Lənkəran”ın 8-ci pillədən daha irəli getməsinə yardımçı olmalıdır.
Qeyd edək ki, Deyan Blajevski “Xəzər Lənkəran”la 1,5 illik müqavilə bağlayıb. O, daha öncə Makedoniya “Turnovo”sunun heyətində 54 oyuna 39 qol vurub və hazırkı mövsümün ilk yarısında 19 qolla Makedoniya çempionatının bombardiri olub. Nikola Qliqorov isə “ağ-yaşıllar”a 2013-cü ilin yayında qoşulub.
.jpeg)
