AZ
RU
Qəbiristanlıqda inanılmaz cinayət
Oğurlanan büstün qiyməti 10 min manatdan çoxdur
"Xeberinfo.com": Bakıdakı qəbiristanlıqlardan birində tuncdan hazırlanmış büst oğurlanıb. Lent.az-ın hüquq-mühafizə orqanlarından əldə etdiyi məlumata görə, hadisə Xətai rayonu, N.Şükürov 2 ünvanında yerləşən Keşlə qəbiristanlığında qeydə alınıb.
Paytaxt sakini, 1966-cı il təvəllüdlü Ataxan Hüseynov (adlar və soyadlar şərtidir) Xətai rayon Polis İdarəsi, 37-ci Polis Bölməsinə müraciət edərək vəfat etmiş həyat yoldaşı üçün düzəltdirdiyi tunc büstün oğurlandığını bildirib.
A.Hüseynov qeyd edib ki, həyat yoldaşı 2012-ci ildə dünyasını dəyişib və onun qəbri üzərində büst qoydurub. Bu günlərdə qəbiristanlığa gedərkən büstün oğurlandığını görüb. Tuncdan hazırlanan büstün ümumi dəyəri 10 min manatdan artıqdır.
Faktla bağlı araşdırmalar aparılır.
