AZ
RU
.jpg)
Tbilisidə üzərinə pəncərə şüşəsinin düşməsi nəticəsində ölən uşaq azərbaycanlıdır
Tbilisidə üzərinə pəncərə şüşəsinin düşməsi nəticəsində ölən uşaq azərbaycanlıdır
Yenixeber.org: Tbilisinin mərkəzindəki Barataşvili küçəsində yerləşən binaların birindən düşən pəncərə şüşəsi 6 məktəbliyə ciddi xəsarət yetirib. Bədbəxt hadisə nəticəsində xəsarət almış uşaqlardan biri ölüb.
Xəstəxanada ölən uşağın azərbaycanlı, 14 yaşlı Aslan Məmmədov olduğu açıqlanıb.
Uşağın şəxsiyyəti Gürcüstanın baş naziri Giorgi Kvirikaşvilinin başsağlığı mesajında qeyd olunub.
"14 yaşlı Aslan Məmmədovun ölümü ilə nəticələnmiş faciə ilə bağlı uşağın valideynləri, ailəsi, sinif yoldaşları və müəllimlərinə dərin hüznlə başsağlığı verirəm", - deyə baş nazirin başsağlığı müraciətində bildirilir.
A. Məmmədovun faciəvi ölümü ilə bağlı Gürcüstan prezidenti Giorgi Marqvelaşvili də başsağlığı verib.
