jpg-1654622533.jpg)
AZ
RU
Daxili İşlər Nazirliyinin yüksək rütbəli işçisi dəhşətli qəzada öldü
Bakıda ağır yol qəzası baş verib
"Xeberinfo.com": Bakı şəhərinin Pirallahı rayonunda ağır yol-nəqliyyat hadisəsi baş verib. Məlumata görə, avqustun 3-ü saat 17 radələrində Dübəndi qəsəbəsində Daxili İşlər Nazirliyinin Təchizat İdarəsinin əməkdaşı, polis polkovniki Allahverdiyev Fuad Ramiz oğlu idarə etdiyi "Mercedes" markalı avtomobillə ağır qəzaya düşüb.
F.Allahverdiyevin idarə etdiyi avtomobil Pirallahı sakini, 1951-ci il təvəllüdlü Bayramqulu Ağayevin sürdüyü "Wolsfagen Passat"a daha sonra isə 1956-cı il təvəllüdlü Elşad Ağayevin idarə etdiyi "QAZ 21"ə çırpılıb. Nəticədə F.Allahverdiyev aldığı xəsarətlərdən hadisə yerindəcə keçinib. Onun 3 yaşlı oğlu Yusif isə ağır vəziyyətdə Nevrocərrahiyə xəstəxanasına yerləşdirilib.
Bundan başqa ağır xəsarət alan B.Ağayev və iki sərnişini: 43 yaşlı Əlvan Məmmədov və 53 yaşlı Rasim Süleymanov 3 saylı şəhər xəstəxanasına yerləşdirilib.
Faktla bağlı cinayət işi açılıb, araşdırmalar aparılır.
