AZ
RU
.jpg)
Corc Maykl vəfat edib
Məşhur britaniyalı müğənni Corc Maykl 53 yaşında vəfat edib.Xeberinfo.com: Bu barədə bazar günü axşam müğənninin agentinə istinadən “Press Association” nəşri məlumat yayıb.
“Corc Maykl evində sakit şəkildə vəfat edib”, – deyə o bildirib.
Corc Maykl kimi məşhur olan müğənninin əsl adı Georgios Kiriyakos Panayotoudur. O, Londonda dünyaya göz açıb və 1980-ci illərin əvvəllərində sinif yoldaşı Endryu Ricli ilə “Wham!” pop-duetinin tərkibində çıxış etməyə başlayaraq fenomenal şöhrət əldə edib. Maykl 1986-cı ildə kollektivin dağılmasından sonra solo ifaçı kimi karyerasını davam etdirib. Onun hitləri Atlantik okeanının hər iki tərəfində dəfələrlə musiqi hit-paradlarının lideri olub. Azərbaycan dinləyiciləri onu daha çox “Careless Whisper” (“Qayğısız pıçıltı”) mahnısı ilə xatırlayırlar.
