“Digər dövlətlərin Azərbaycana qarşı təhdidləri, maraqları var”.

Xeberinfo.com:   Məlumata görə, bunu jurnalistlərə Dövlət Təhlükəsizliyi Xidmətinin rəisi, general-leytenant Mədət Quliyev deyib. Onun sözlərinə görə, Prezident İlham Əliyevin rəhbərliyi altında Azərbaycanın hüquq-mühafizə orqanları qətiyyətlə bu məsələləri həll edirlər:

“Qısa zamanda cinayətkarların, casusların məhv edilməsi üzrə əməliyyatlar keçirilib. Azərbaycan özünü teror təhlükəsindən qorumaq üçün bütün zəruri addımları atır. Azərbaycanın xüsusi xidmət orqanları və hüquq-mühafizə orqanları birgə əməkdaşlıq çərçivəsində işləyir. Burada əsas məsələ isə dövlət rəhbərliyinin apardığı siyasət və onun xalq tərəfindən dəstəklənməsidir. Xalqımız qədirbilən xalqdır, ölkə başçısının apardığı siyasəti dəstəkləyir. Biz bunu bu il sentyabrın 26-da ölkədə keçirilən refendum zamanı da gördük”, - deyə, DTX rəisi vurğulayıb.

O, əlavə edib ki, ləğv edilmiş Milli Təhlükəsizlik Nazirliyi ilə bağlı başlanmış cinayət işi ilə əlaqədar son 1 ildə 500 nəfərdən artıq əməkdaş xidmətdən xaric olunub.

“Xidmətdən xaric olunan işçilərdən 20 nəfərdən çoxu barəsində cinayət işi başlanıb. Bu, təbii prosesdir. Çünki xidmətdə təmizləmə prosesi aparılır”.