AZ
RU
Ruslar ukraynalı mayoru güllələdi
Rusiyalı əsgərlər öldürülən mayorun cəsədini özləri ilə aparıb
"xeberinfo.com": Krım respublikasında Rusiya Silahlı Qüvvələrinin zabiti ukraynalı mayoru güllələyib. Məlumata görə, bu barədə Ukrayna mətbuatı xəbər yayıb.
“Ötən gecə, saat 23.45 radələrində “Novofedorovka” şəhər tipli qəsəbədə Rusiya hərbi qulluqçusu, kiçik serjant E.S.Zaytsev tərəfindən açılan iki atəş nəticəsində ukraynalı mayor zabitlər üçün nəzərdə tutulmuş yataqxanada, otağında olarkən qətlə yetirilib”, deyə Ukrayna Hərbi İstintaq Mərkəzinin rəhbəri Dmitri Timçuk “Facebook” səhifəsində yazıb.
Onun sözlərinə görə, mayoru öldürdükdən sonra otaqda olan kapitan Yermelenko Artem Vladimiroviç də vəhşicəsinə döyülərək Rusiya hərbçilərinin olduğu əraziyə aparılıb. Rusiyalı əsgərlər öldürülən mayorun cəsədini də özləri ilə aparıblar.
