AZ
RU
.jpg)
Təyyarə dənizə düşdü - Ölən və yaralananlar var
Banqladeşdə AN-26 yük təyyarəsi qəzaya uğrayıb.
Xeberinfo.com: Məlumata görə, “True Aviation” şirkətinə məxsus təyyarə səhər saatlarında dənizə düşüb. Təyyarənin göyərtəsində 4 nəfər olub. Onlardan 2-si yerli balıqçılar tərəfindən tapılaraq xəstəxanaya aparılıblar. Xəstəxanadan verilən məlumata görə, onlardan 1-i vəfat edib, digərinin isə vəziyyəti ağırdır. Qalan 2 nəfərin axtarışları davam edir.
“Göyərtədə olan 4 nəfərin hamısı Rusiya vətəndaşı olub” , -deyə polis nümayəndəsi Aslam Xosseyn bildirib.
Hadisə yerinə yanğınsöndürənlər və xilasedicilər cəlb olunub.
Qeyd edək ki, qəza edən təyyarə yük təyyarəsidir. Koks-Bazar və Cessor şəhərləri arasında krevetlərin nəqli üçün istifadə olunub.
.jpg)
