AZ
RU
Borca görə qonşu qonşusunu güllələdi
Yevlax sakini öz həmyerlisini güllələyib.
Xeberinfo.com: Anspress-ə istinadən xəbərə görə, hadisə rayonun Xaldan qəsəbəsində baş verib.
Qəsəbənin mərkəzində yerləşən ət mağazasının qaşısında qəsəbə sakini Musa Rzayev öz həmyerlisi 75 yaşlı Adil Rüstəmovla mübahisə edib.
Daha sonra mübahisə davaya çevrilib.
Bu zaman Musa Rzayev mağazaya daxil olaraq orada olan “İJ” markalı tək lülə ov tüfəngini götürərək Adil Rüstəmova arxadan atəş açıb. Kürək nahiyəsindən güllə yarası alan Adil Rüstəmov hadisə yerindəcə dünyasını dəyişib.
Qəsəbə sakinlərinin verdiyi məlumata görə, tərəflərdən birinin digərinə borcu olub. Hadisə də bu səbəbdən baş verib. Adil Rüstəmovu qətlə yetirdikdən sonra Musa özü Yevlax rayon polis şöbəsinə gələrək təslim olub.
Hazırda faktla bağlı Yevlax rayon prokurorluğunda qəsdən adam öldürmə maddəsiylə cinayət işi açılıb, araşdırma aparılır.
.jpg)
