AZ
RU
Ziya Məmmədovun hansı səlahiyyəti qaldı?
Xəbər verildiyi kimi ölkə başçısı Ilham Əliyevin fərmanı ilə yeni dövlət qurumu – Bakı Nəqliyyat Agentliyi yaradılıb.
Xeberinfo.com: Məlumata görə, Hüquqşünas Ərşad Hüseynov AzadlıqRadiosuna açıqlamasında deyib ki, Nəqliyyat Nazirliyindəki Avtonəqliyyat Xidmətinin sərnişindaşıma ilə bağlı və Nəqliyyatın Intellektual Idarəetmə Mərkəzinin funksiyaları Bakı yeni quruma verilir.
Qeyd edək ki, bundan əvvəl “Azərbaycan Dəmir Yolları” QSC Nəqliyyat Nazirliyindən alınıb. Həmçinin taksilərə lisenziya verilməsi, paytaxt sərnişindaşıması Nəqliyyat Nazirliyindən alınmışdı. Hətta Bakı Beynəlxalq Avtovağzalının da nazirliyin tabeliyindən çıxarıldığı bildirilir.
Ekspertlər hesab edir ki, bu proses Nəqliyyat Nazirliyinin ləğvi ilə bağlı planın tərkib hissəsi ola bilər. Hələ nəqliyyat naziri Ziya Məmmədov hədəfə gələndə Nəqliyyat Nazirliyinin ləğv ediləcəyi barədə məlumatlar yayılmışdı.
