AZ
RU
Vergilərin 30%-dən çoxu zorla yığılır! – NAZİR MÜŞAVİRİ
Azərbaycanda vergilərin 68,5%-i könüllü qaydada toplanır.
"Xeberinfo.com": Fins.az-ın məlumatına görə, bunu Şamaxıda keçirilən “Vergi öhdəliklərinin yerinə yetirilməsində sosial tərəfdaşların rolu” mövzusunda dəyirmi masada vergilər nazirinin müşaviri Ələkbər Məmmədov deyib.
Vergilər Nazirliyinin rəsmisi tədbirdə iştirak edən ictimai və qeyri-hökümət təşkilatlarının nümayəndələrinə səslənərək könüllü vergi yığımında onların böyük rola malik olduğunu deyib. Cənab Məmmədovun sözlərinə görə, vergilərin dövlət büdcəsinə vaxtında və tam ödənilməsində sosial tərəfdaşların dəstəyi çox vacibdir:
“Əsas məqsədimiz o deyil ki, vergidən yayınan şəxslər cinayət məsuliyyətinə cəlb edilsin. Əsas odur ki, yayındırılmış vergi məbləğləri dövlət büdcəsinə ödətdirilsin. 2015-ci ilin 1-ci yarımilliyi ərzində 508 iş üzrə 29,1 milyon manat məbləğində yayındırılmış vergi məbləğinin dövlət büdcəsinə ödənilməsi təmin edilib”.
