AZ
RU
15 yaşlı yeniyetməni elektrik cərəyanı vurdu
Şəkidə 15 yaşlı yeniyetmə elektrik cərəyanı vurması nəticəsində yanıq xəsarəti alıb
"Xeberinfo.com": Rayon hüquq-mühafizə orqanlarından APA-nın Şəki-Zaqatala bürosuna verilən məlumata görə, hadisə bu gün axşam saat 20:30 radələrində Şəki şəhəri ərazisində baş verib. Şəki şəhəri Bağbanlar küçəsi 61/39 ünvanında yaşayan, 2000-ci il təvəllüdlü Sərvan Sərvər oğlu Cəbiyev şəhərin Şərbablar küçəsində yerləşən yüksək gərginlikli transformatorun içərisinə girərkən onu elektrik cərəyanı vurub.
Nəticədə 15 yaşlı Sərvan Cəbiyev sol çiyin nahiyyəsindən aldığı yanıq xəsarəti ilə Şəki Rayon Mərkəzi Xəstəxanasına (RMX) yerləşdirilib. Şəki RMX-dan APA-ya verilən məlumata görə, xəstəxananın reanimasiya şöbəsinə yerləşdirilən Sərvan Cəbiyevə lazımi tibbi yardım göstərilib, vəziyyəti orta-stabil qiymətləndirilir.
.jpg)
