Bakı Metropolitenin stansiyalarında qatarların hərəkətinin dayanması ciddi sərnişin sıxlığı yaradıb. 

     "xeberinfo.com": Dəyərli oxucularımıza da məlumdur ki, Bakı Metropoliteninə baş verən bu cür hadisələr barədə bir neçə yazı dərc etmişik. Hər dəfə də, Metropoliten rəhbərliyi tərəfindən bu cür hadisələrin təkrar olunmayacağı bildirilsədə, bu heç də özünü doğrultmur.  Eyni cür hadisələr hələdə təkrarlanır.Növbəti hadisə bu gün də yaşanıb.

      Hadisə yerində olan əməkdaşımızın  məlumatına görə, bu gün saat 13.40 radələrində metronun bütün istiqamətləri üzrə qatarların hərəkətində dayanma baş verib. Bu dayanma təxminən 20 dəqiqəyə yaxın olub. Nəticədə bütün stansiyalarda sərnişin sıxlığı yaranıb. Bu da sərnişinlər arasında narahatlığa səbəb olub.

      Saat 13.55 radələrində isə qatarların hərəkəti bərpa olunub. 

      Metrostansiya işçiləri bildiriblər ki, gecikməyə səbəb qatarları hərəkətə gətirən elektrik enerjisində problemin yaranması olub. Lazımi səviyyədə enerji olmadığına görə qatarlar hərəkət edə bilməyib.