AZ
RU
Teleaparıcı qəza törətdi və bacısı öldü
Bu gün saat 10:00 radələrində Bakının Suraxanı rayonunda ağır yol qəzası baş verib. "xeberinfo.com"nun Suraxanı Rayon Polis İdarəsindən əldə etdiyi məlumatda bildirilir ki, Hövsan qəsəbəsində, “Hyundai” markalı avtomobil Hövsan kanalına düşüb. Nəticədə avtomobildə olan sərnişin dünyasını dəyişib, sürücü isə xilas ola bilib.
Qəzaya uğrayan avtomobilin sürücüsünün İTV-nin aparıcısı Rafiq Məmmədov olduğu bildirilir.Hadisə nətcəsində isə sürücünün bacısı 32 yaşlı Pərvanı Valeh qızı Məmmədova boğulub.
Məlumata görə, qəzada dünyasını dəyişən Pərvanə Məmmədova Səhiyyə Nazirliyinin mətbuat xidmətinin əməkdaşıdır Hazırda hadisə yerində Fövqəladə Hallar Nazirliyinin xilasediciləri, təcili yardım həkimləri, polis, prokurorluq və digər hüquq-mühafizə orqanlarınınə məkdaşları cəlb olunub.
Faktla bağlı araşdırma aparılır.
.jpg)
