AZ
RU
-21.jpg)
15 mart mitinqi ilə bağlı təxribat?
Milli Şuranın 15 mart mitinqinə icazə verilmədiyi barədə məlumat yayılıb.
"Xeberinfo.com": Məlumata görə, facebook-da və bəzi saytlarda Bakı Şəhər İcra Hakimiyyətinin ictimaiyyətlə əlaqələr şöbəsinin müdiri Zaur Ramazanovun imzası ilə 15 mart mitinqinə razılıq verilmədiyinə dair məktub yayılıb.
Lakin Mitinq Komitəsinin rəhbəri Fuad Qəhrəmanlı belə bir məktub aldıqlarını təkzib edib. Qəhrəmanlı azadliq.info-ya bildirib ki, həmin məlumatı görən kimi Zaur Ramazanovla əlaqə saxlayıb. Zaur Ramazanov deyib ki, onun imzası ilə yayılan həmin məktub saxtadır. Bakı Şəhər İcra Hakimiyyəti 15 mart mitinqi ilə bağlı cavabı hələ hazırlamayıb. Cavab hazır olan kimi təşkilatçılara göndəriləcək. BŞİH rəsmisi bu mövzuda təşkilatçıların xəbəri olmadan yayılan istənilən məlumata inanmamağı məsləhət görüb.
_3012376476_1507203411-1520426292.jpg)
