Rusiyanın Kursk bölgəsində 11 min əsgərini itirən Şimali Koreya, Rusiyanın ön cəbhəsinə yenidən əsgər göndərib. Yeni döyüş texnikalarında səriştəsiz olan Şimali Koreya əsgərlərinin modernləşdirilməsi lazım olduğunu bildirən Şimali Koreya lideri Kim Çen Inın müharibə boyu əsgər və silah göndərilməsinə davam edəcəyi gözlənilir.

Yenieber.org: Türkiyə KİV -ləri xəbər verir ki, Cənubi Koreya mediası Şimali Koreyanın Rusiyanın Kursk bölgəsinə döyüşmək üçün əlavə qoşun göndərdiyini bildirib.

Məlumata görə, qoşunlar Rusiya qüvvələrinin Ukrayna hərbçiləri ilə toqquşduğu Kursk vilayətinə yerləşdirilib. Cənubi Koreya Milli Kəşfiyyat Xidmətinin (NIS) sözçüsü məsələ ilə bağlı şərh verməkdən imtina edib.

Bundan əvvəl NIS Şimali Koreyanın Ukrayna müharibəsində iştirak etmək üçün Rusiyaya 11 mindən çox əsgər göndərdiyini açıqlamışdı.

Ancaq bu əsgərlərin indiyədək müasir döyüş meydanında xidmət etməmələri və ümumi təcrübəsizlikləri onların həlak olmasına ya da sıradan çıxmasına səbəb olmuşdur.

Bu vəziyyəti diqqətə alan Şimali Koreya lideri Kim Çen In çərşənbə günü Pxenyanda qatıldığı hərbi universitetin andiçmə mərasimində: “ordu praktiki təlimlərə önəm verərək modernləşməlidir”, – deyə bildirmişdir.

Şimali Koreya qoşun tədarükü ilə yanaşı, Rusiyaya artilleriya sursatları və artilleriya sistemləri də verir. Açıq mənbəli analitiklər və şahidlər Pxenyandan gələn silah sistemlərini peyk fotolarından və telefon qeydlərindən dəfələrlə görüntülərini çəkmişdi.

Ukrayna və Qərb ekspertləri Rusiya ordusunun Şimali Koreya istehsalı olan silahlardan istifadə etdiyini bildiriblər. Pxenyan administrasiyası isə Rusiyaya hərbi dəstək verdiyini rəsmən qəbul etməyib.