AZ
RU
Girovlarımızla bağlı aksiya keçirildi
Kəlbəcərdə girov götürülmüş azərbaycanlılar Dilqəm Əsgərov və Şahbaz Quliyevin azad olunması tələbi ilə Avropa İnsan Hüquqları Məhkəməsinin önündə aksiya keçiriləcək.
"Xeberinfo.com": Bu barədə azvision.az-a açıqlamasında D.Əsgərovun qardaşı Sahib Musayev məlumat verib. O, qeyd edib ki, girovların geri qaytarılmaları ilə bağlı bir sıra Avropa ölkələrində aksiya və tədbirlər təşkil olunacaq:“Bavariyadakı (Almaniya) Azərbaycan Diaspor Mərkəzinin rəhbəri Akif Məmmədov ölkəmizə gəlib. O, Gürcüstanda girovlarla bağlı aksiya təşkil etmişdi. Moskvada və bir neçə Avropa ölkələrində girovların azadlığa buraxılması tələbi ilə aksiya keçirmək fikirindəyik. Həmçinin Starsburqdakı Avropa Məhkəməsinin önündə də aksiya keçiriləcək”.
Xatırladaq ki, ötən ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər, digər Azərbaycan vətəndaşı Həsən Həsənov isə güllələnərək öldürülüb.
