AZ
RU
Vlamidir Putin Obamanı Moskvaya dəvət etdi
ABŞ Prezidenti Barak Obama faşizm üzərində qələbənin 70 illiyi münasibəti ilə Moskvaya dəvət edilib.
"Xeberinfo": Məlumata görə, bu barədə Rusiya prezidentinin köməkçisi Yuri Uşakov məlumat verib.
Uşakov Moskvda keçiriləcək tədbirə Adolf Hitler əleyhinə birləşən ölkə liderlərinə dəvət göndərildiyini bildirib. Rəsmi dəvət ABŞ, Böyük Britaniya, Çin, Fransa və digər ölkə başçılarına ünvanlanıb.
Bundan əlavə, Uşakov Vladimir Putin və ABŞ Prezidenti Barak Obama arasında görüşün keçirilməsi ilə bağlı hər hansı danışıqlar aparılmadığını vurğulayıb.
Rusiya və ABŞ arasındakı münasibətlər Ukrayna böhranına görə korlanıb. Rusiyanın Qərbin tələblərinə riayət etməməsi ona qarşı sanksiyaların tətbiqi ilə nəticələnib. Sanksiyaların nəticəsidir ki, Rusiya hal-hazırda böhran dövrünü yaşayır.
Xatırladaq ki, 2010-cu ildə Obama faşizm üzərində qələbənin 65 illiyi münasibəti ilə keçirilən tədbirə də dəvət edilmişdi, ancaq ABŞ liderinin Rusiya paytaxtına səfəri reallaşmamışdı.
.jpg)
