Azərbaycan Ukraynanın irəli sürdüyü təklifi qəbul etməyib. 

"Xeberinfo.com": Məlumata görə, 2015-ci ilin yanvarın 1-dən etibarən GUAM-a sədrliyi Ukrayna edəcək. GUAM XİN başçılarının İsveçrənin Bazel şəhərində keçirilən görüşündə Ukrayna tərəfi növbəti ildən bu qurumda bütün yazışmaların və danışığın rəsmi dili kimi ingilis dilindən istifadə edilməsini təklif edib. Azərbaycan tərəfi isə bu təkliflə razılaşmayıb.

Azərbaycan xarici işlər naziri Elmar Məmmdəyarov Ukraynanın bu təklifinə etiraz edib. Azərbaycan tərəfi hesab edir ki, GUAM-ınNizamnaməsində rəsmi dil kimi ingilis dili ilə yanaşı rus dilindən də istifadə edilməsi nəzərdə tutulur.
E.Məmmədyarov hesab edir ki, ingilis dili ilə yanaşı GUAM-da rus dilindən də işlək dil kimi istifadə edilməsi daha effektli olardı. Belə ki, rus dilindən istifadə etməklə bir-birimiz daha rahat və anlaşılan formada başa düşə bilərik. Eyni zamanda ətrafdakılarımızı daha yaxşı başa sala bilərik. E.Məmmədyarov bu məsələdə siyasi emosiyalara uymamağı tövsiyyə edib.