AZ
RU
XİN başçılarının sammiti keçiriləcək
Azərbaycanın, Türkiyənin və Gürcüstanın xarici işlər nazirləri – Elmar Məmmədyarov, Mövlud Çavuşoğlu və Tamara Beruçaşvili gələn həftə Türkiyədə bir araya gələcəklər.
"Xeberinfo.com": Məlumata görə, nazirlərin sammiti dekabrın 10-da Qars şəhərində baş tutacaq.
“Görüş çərçivəsində nazirlər ortaq maraqlar üzrə məsələlərdə regional əməkdaşlığın inkişafı perspektivlərini, həmçinin, əvvəlki görüşlərdə qəbul edilmiş qərarları müzakirə edəcəklər”, - deyə Türkiyə XİN-dən bildirilib.
Xatırladaq ki, ilk belə sammit 2012-ci ildə Türkiyənin Trabzon şəhərində, ikinci görüş 2013-cü ildə Tiflisdə, üçüncü isə 2014-cü ilin fevralında Azərbaycanın Gəncə şəhərində keçirilib.
.jpg)
