Böyük Britaniyanın “Jewish News” onlayn qəzeti Azərbaycanda dini tolerantlığın inkişafı haqqında məqalə yayıb.

"Xeberinfo.com":  “Faith Matters” qeyri-hökumət təşkilatının direktoru Fiyaz Muğalın müəllifi olduğu məqalədə bildirilir ki, Azərbaycan dini tolerantlığın inkişafı baxımından regionun mərkəzidir.

Məqalədə son illər Azərbaycanda gedən inkişaf proseslərindən bəhs olunur. Ölkədə informasiya-kommunikasiya texnologiyalarının, infrastrukturun, sahibkarlığın sürətlə inkişaf etdiyi vurğulanır.

Azərbaycanın həmişə yeni ideyalara açılan qapı olduğu diqqətə çatdırılan yazıda ölkədə iki min ildən bəridir ki, yəhudilərin müsəlmanlarla birgə sülh və dostluq şəraitində yaşadıqları qeyd edilir. Bildirilir ki, buraya digər dini icmaları da aid etmək olar.

Dağlıq Qarabağ münaqişəsinə toxunan müəllif vurğulayır ki, ərazisinin 20 faizinin ermənilər tərəfindən işğal edilməsinə baxmayaraq, Azərbaycanda dini tolerantlıq qorunub saxlanılır, ölkə daxilində əmin-amanlıq hökm sürür.

Məqalədə Azərbaycan ilə İsrail arasındakı əlaqələrdən də bəhs edilir.