AZ
RU
Nazir müavini Gürcüstan prezidentini aşağıladı
Gürcüstanın daxili işlər nazirinin 1-ci müavini Levan İzoriya vətəndaşların gizli dinlənilməsi ilə bağlı qanun layihəsinə prezident Gergi Marqvelaşvilinin veto qoymasını “məsuliyyətsiz qərar” adlandırıb.
"Xeberinfo.com": Gürcü KİV-ə istinadən xəbərə görə, onun fikrincə, prezidentin vetosu hazırlıqsız qərardı və prosesin özü də bunu göstərir.
“Bu, nonsensdir ki, veto şifahi şəkildə qoyulur. Veto özünün hüquqi təbiəti etibarilə parlamentin qəbul elədiyi qanun layihəsi ilə bağlı qanunverici qeydləri ehtiva edir. Amma üstündən bir neçə saat keçsə də, qeydlər təqdim edilməyib. Belə hazırlıqsız, üstəgəl, məsuliyyətsiz yanaşma ölkənin təhlükəsizliyini təhlükə altına salır”, - deyə o vurğulayıb.
Nazir müavini istisna eləmir ki, bu cür “məsuliyyətsiz qərar” üzündən qanunun qəbulu dekabrın 1-dək baş tutmaya, o zaman ölkədə gizli dinləmələrlə bağlı müəyyən mənada vakuum yarana bilər.
