Ukraynada ötən ayın sonunda keçirilən növbədənkənar seçkilərdə formalaşan Ukrayna Ali Radasının bu gün ilk iclasi keçirilib. Ali Radanın artıq yeni sədri də seçilib.

"Xeberinfo.com":  Bu Pyotr Poroşenkonun blokunun liderlərindən olan Vladimir Qroysmandır. Yeni sədr çıxışında Ukraynanın Krımı özünə qaytarmalı və Donbassı bərpa etməli olduğunu bildirib.Məlumata görə, yeni tərkiblə fəaliyyətə başlayan Ukrayna Ali Radasının açılışını Radanın köhnə sədri Aleksandr Turçinov açıb. Ölkənin şərqində silahlı münaqişə zamanı həyatını itirən hərbçilərin və mülki şəxslərin xatirəsi də bir dəqiqəlik sükutla yad edildikdən sonra Radaya yeni seçilmiş deputatlar and içiblər. 
İclasda Ukrayna prezidenti Pyotr Poroşenko da iştirak edib.

Yeni hökumətin tərkibinin gələn həftənin ikinci günü təsdiqlənməsi planlaşdırılır. 

5 siyasi qüvvənin iştirakı ilə qurulan qərbyönlü-millətçi koalisiya, yeni hökuməti formalaşdırmaq üçün tələb olunan sadə çoxluqla (226 səs) yanaşı, Konstitusiyanı dəyişmək üçün tələb olunan mütləq çoxluğa da (300 səs) malikdir. Belə bir hadisə Ukraynanın müasir tarixində ilk dəfədir ki, baş verir. 

Son məlumatlara görə, Ukrayanın Baş naziri postuna yenidən Arseni Yatsenyuk seçilib. Yen Nazirlər Kabinetinin yeni tərkibinin isə dekabrın 2-də elan ediləcəyi gözlənilir.