Mətbuat 2015-ci ilə Rusiyanın bu qurumdan çıxa biləcəyini istisna etmir

       "Xeberinfo.com": 2015-ci ilin yanvarında Rusiya Avropa Şurası Parlament Assambleyasını (AŞPA) tərk edə bilər.
ANS PRESS-in məlumatına görə, bu barədə “İzvestiya” qəzeti yazıb. Qəzetin məlumatına görə, bu Rusiyanın qurumda olan səlahiyyətlərinə yenidən məhdudiyyət qoyulduğu təqdirdə həyata keçiriləcək.

      Nəşr yazır ki, keçən gün AŞPA baş katibi Voysex Savitskiy hər il yanvar ayında qurumda təmsil olunan ölkə parlament nümayəndələrinin səlahiyyətlərinin müəyyənləşməsi prosesi baş verdiyini yada salıb. Bu səlahiyyətlər rəsmi olaraq onlara AŞPA çərçivəsində işləmək və fəaliyyət göstərmək haqqı verir. Lakin Savitsiyin bildirib ki, asambleyanın aprel qətnaməsini nəzərə alsaq Rusiyanın AŞPA çərçivəsində səlahiyyətləri şübhə altındadır.

      Buna cavab olaraq Rusiya siyasi elitasından belə davam etdiyi təqdirdə ümumiyyətlə AŞPA-nı tərk etmə ehtimalı olduğu xəbərləri gəlir. “İzvestiya” qəzetinin yazdığına görə, Rusiya daha özünə qarşı çıxan bir qurumda təmsil olunmaq niyyətində deyil.

      Qeyd edək ki, AŞPA bu ilin axırına kimi Rusiya parlament nümayəndəliyinin qurumda səlahiyyətlərini məhdudlaşdıran sanksiyaları dəstəkləyib. Sənədə əsasən ölkə nəinki səsvermə səlahiyyətindən məhrum olur, eləcədə asambleyanın başçılığı altında olan qırumlarda fəaliyyət göstərə və seçkiləri müşahidə edə bilməz.

      AŞPA iştrakçılarının çoxunun dəstəklədiyi qətnamədə deyilir: “Rusiya Federasiyasının Ukraynaya qarşı münasibətini qınadığımızı və qəbul etmədiyimizi ifadə etdiyimiz üçün Asambleya 2014-cü il sessiyasının sonuna kimi RF-nin növbəti səlahiyyətlərini dayandırır: Səsvermə hüququ; Asambleya Bürosu, Daimi komitə və Prezident komitəsində təmsil olunma hüququndan eləcədə seçkilər zamanı müşahidə missiyasında iştrak hüququna qadağa qoyulsun”.