AZ
RU
“Gürcüstan və Ukraynanın NATO üzvü olacağı realdır”
NATO-nun Rusiyadakı informasiya bürosunun direktoru Robert Pşel Gürcüstan və Ukraynanın Şimali Atlantika blokuna üzv olması üçün bütün real şanslara malik olduğunu bildirib.
"Xeberinfo.com": Musavat.com-un verdiyi xəbərə görə, alyans rəsmisi deyib: “Düşünürəm ki, perspektiv realdır. NATO-nun siyasəti ekspansiya yox, açıq qapı siyasətidir”.
Qurum yetkilisi iki ölkə əhalisinin əksəriyyətinin bloka üzvlüyü arzu elədiyinə əminlik ifadə edib: “Heç bir şübhə yox ki, bu, əksər gürcülərin arzusudur. Gürcüstan irəliyə iri addımlar atıb. Ancaq hələ reallaşdırmalı çoxlu standartlar var”.
Pşel həmçinin, bu il konkret hansı ölkənin üzv qəbul ediləcəyi ilə bağlı NATO-nun “hansısa gizli planı”nın olmadığına diqqət yönəldib. Onun sözlərinə görə, bu, sırf siyasi qərarlardan asılı məsələdir.
(29).jpg)
