AZ
RU
Türkiyədə parlament seçkilərinə azərbaycanlı da qatılacaq
Türkiyədə iyunun 24-də keçiriləcək parlament seçkilərində azərbaycanlı Samir İskəndəroğlu hakim Ədalət və İnkişaf Partiyasından (AKP) deputatlığa namizədliyini irəli sürüb
Yenixeber.org: bu barədə T açıqlamasında S.İskəndəroğlu bildirib.
O qeyd edib ki, bu il Türkiyədə keçiriləcək seçkilər əvvəlki illərdən fərqli olaraq daha əhəmiyyətlidir: "Ümid edirəm ki, builki parlament seçkilərində qalib gələcəyəm".
Qeyd edək ki, S.İskəndəroğlu əslən Azərbaycanın Gədəbəy rayonundandır və 2010-cu ilin sonundan Türkiyədə yaşayır. O, 2017-ci ildən Ankara Gənc İş Adamları Dərnəyinin Xarici əlaqələr şöbəsinin rəhbəri vəzifəsində çalışır.
Xatırladaq ki, Türkiyədə iyunun 24-də keçiriləcək parlament və prezident seçkilərində 11 siyasi partiya iştirak edəcək.
