Qonşu respublikada baş verənlər bu ölkəni addım-addım xaosa aparır

    "Xeberinfo.com": “Çiçəklənən Ermənistan” partiyasının lideri, ölkənin ən iri biznesmenlərindən biri Qaqik Tsarukyan ölkə prezidenti postuna öz namizdəliyini irəli sürməyə hazırdır. Bu barədə o jurnalistlərlə görüşündə deyib.

“Mənim prezidentliyə namizəd görmək istədiyim 5 şəxs var. Bunlar çox ləyaqətli insandırlar və Ermənistanı qaldıra bilərlər. Əgər xalq onlardan birinin namizədliyini dəstəkləsə onda məndə mütləq onu dəstəkləyəcəm. Əgər mənim namizədliyim irəli sürülsə, buna da hazıram. Söz verirəm ki, bir neçə ay ərzində dövlət doğru relsə düşəcək”.

Namizəd ümumerməni etiraz aksiyalarında da iştirak edəcəyini deyib. Qeyd edək ki, müxalifətin əsas tələbi hakimiyyətin dəyişməsidir.

Eksperlərin fikrincə, hakimiyyətin dəyişməsi bu günki günlə bitməyəcək. Bu çox uzun proses olacaq. Burada hakimiyyət özü müdriklik göstərməlidir. Təəssüf ki, bu cəhət də hakimiyyətdə yoxdur və baş verənlər ermənilərin Maydanı ilə nəticələnə bilər.

Əlavə edək ki, Serj Sarkisyanın hakim partiyası Qaqik Tsarukyanın çıxışını şərh etməkdən imtina edib.