AZ
RU
Poroşenko ABŞ-dan təcili hərbi yardım istədi
Ukrayna ordusunun silah-sursat da daxil olmaqla beynəlxalq yardıma ehtiyacı var
"Xeberinfo.com" APA-ya istinadən xəbər verir ki, bu barədə Ukrayna prezidenti Pyotr Poroşenko ABŞ Konqresində çıxışı zamanı deyib.
Prezident qeyd edib ki, ukraynalılar hazırda demokratiya uğrunda ön cəbhədə mübarizə aparır və bütün azad dünyanı işğalçıdan müdafiə edir. “Ukrayna əsgərlərinin vuruşduğu müharibə azad dünya uğrunda müharibədir”, deyə Poroşenko qeyd edib.
Poroşenko 20 il əvvəl Budapeşt memorandumunun imzalandığını xatırladaraq, Ukraynanın təhlükəsizlik zəmanətinin müqabilində nüvə potensialına malik olmaqdan imtina etdiyini qeyd edib. Prezident Donbas və Abxaziyadakı hadisələr arasında oxşar cəhətləri vurğulayaraq yaranmış mürəkkəb vəziyyətdə Ukraynanı tək qoymamağa çağırıb.
