Danimarka kraliçası 2-ci Marşretenin əri, 83 yaşlı şahzadə Henrik vəfat edib

Yenixeber.org: Danimarka kral sarayının yaydığı açıqlamada deyilir: "Əlahəzrət şahzadə Şenrik gecə saat 23.18-də, Fredensborq Sarayında yuxuda olarkən vəfat edib. Onun yanında kraliça və iki oğlu vardı".

Şahzadə Henrik iki həftə əvvəl Misirdə istirahətdə olarkən özünü pis hiss etmişdi. Tibbi müayinədən sonra Danimarkaya aparılan şahzadə Kopenhagendəki Kral Xəstəxanasında müalicə olunurdu. Müayinələr zamanı onun ağciyərlərində xoşxassəli şiş aşkarlanmışdı.

Onun xəstəliyinin səbəbinin ağciyər infeksiyası olduğu deyilirdi.

Fevralın 13-də xəstəxananı tərk edən şahzadə Fredensborq Sarayına aparılmışdı.

Şahzadə Henrik ötən il bəyan etmişdi ki, arvadının yanında dəfn olunmaq istəyir. Bundan başqa o, son vaxtlar jurnaistlərə deyirdi ki, saraydakı həyatından və titulundan narazıdır. 2015-ci ilin sonlarında o, şahzadə Henrik təqaüdə çıxandan sonra titulundan imtina etmişdi.

Bu açıqlamadan dərhal sonra kral sarayı tələsik bəyan etmişdi ki, şahzadə Henrik inkişaf edən demensiyadan əziyyət çəkir.

2017-ci ildə kraliça 2-ci Marqrete və şahzadə Henrik nikahlarının 50 illiyini, "qızıl toy"u qeyd etmişdilər.

Şahzadə Henrik əvvəllər fransız diplomat, qraf Anri de Labord de Monpeza idi. O, kraliça 2-ci Marqrete ilə 1967-ci ildə evlənəndə adını dəyişərək şahzadə Henrik olmuşdu.

Kraliça 2-ci Marqretenin 77 yaşı var.

Dünən Kopenhagendəki Fredensborq Sarayının önündə mərhum şahzadə ilə vidalaşma mərasimi olub. Başsağlıqlarını kraliça 2-ci Marqrete, onun oğulları Frederik və Yoahim, hakim ailənin mənsubları qəbul ediblər.