AZ
RU
Çində “narıncı” xəbərdarlıq edilib- “Xanun” qasırğası ilə əlaqədar
Çin Milli Meteorologiya Mərkəzi “Xanun” qasırğasının ölkənin cənub sahillərinə yaxınlaşması ilə əlaqədar “narıncı” səviyyədə təhlükə xəbərdarlığı verib
Yenixeber.org: Azərtac yerli KİV-lərə istinadla xəbər verir ki, bu il 20-ci olan qasırğa Cənubi Çin dənizi üzərində saatda 20 kilometr sürətlə şimala – Çinin cənub sahillərinə doğru hərəkət edir. “Xanun”un bazar ertəsi erkən saatlarında sahilə çatması gözlənilir. Çin Milli Meteorologiya Mərkəzi qasırğanın ölkə sahilinə çatanda daha da güclənəcəyi ehtimalı olduğunu bəyan edib.
“Xanun” qasırğasının Quandun, Xaynan, Fucian vilayətlərində, habelə Tayvan adasında şiddətli yağışlara və güclü küləyə səbəb olacağı proqnozlaşdırılır. Bu baxımdan yerli hökumətlərə qabaqlayıcı tədbirlər görmək, o cümlədən dənizdə olan gəmilərin limanlara qayıtması tövsiyə edilib.
Qeyd edək ki, Çində hava şəraiti ilə əlaqədar 4 səviyyədə təhlükə xəbərdarlıq sistemi var. Bunların ən yüksəyi “qırmızı” olmaqla, daha aşağı “narıncı”, “sarı” və “mavi” səviyyələrdir.
