AZ
RU
.jpg)
Fransada “Kiçik pompeylər” tapılıb
Yenixeber.org: Fransada “Kiçik pompeylər” tapılıb. Alimlər Vyen şəhərinin kənarında yerləşən və antik görməli yerləri ilə tanınan qədim Roma məhəlləsini belə adlandırıblar.
AZƏRTAC xarici KİV-lərə istinadla xəbər verir ki, Vyendə yaşayış kompleksi tikilən ərazidə tapılan bu yerin sahəsi 7 min kvadratmetrdir. Arxeoloqların fikrincə, kvartal eramızın birinci əsrində salınıb. İnsanlar orada təxminən 300 il yaşayıb, sonralar regionda tez-tez baş verən yanğınlara görə oranı tərk ediblər. Sakinlər xilas olarkən evlərdə əşyaları və mebelləri qoyub çıxıblar. Kül dəbdəbəli malikanələrin və ictimai binanın saxlanmasına, həmçinin malikanələrin birinin divarlarında yunan miflərinə aid şəbəkələrin qorunmasına kömək edib. Bu evin zəngin ticarətçiyə məxsus olduğu ehtimal edilir. Malikanənin tam bərpası planlaşdırılır.
Arxeoloq Benjamen Kleman bildirib ki, şəhər ərazisində bu cür tapıntılar qeyri-adi haldır və tarixçilər üçün zəngin materialdır. Qazıntılar davam etdiriləcək.
