AZ
RU
.jpg)
Ukrayna ordusu tam döyüş hazırlığı vəziyyətinə gətirildi
Ukrayna Ali Radasının spikeri, prezident səlahiyyətlərinin icra edən Aleksandr Turçinov Ukrayna silahlı qüvvələrinin tam döyüş hazırlığı vəziyyətinə gətirildiyini bəyan edib.
"xeberinfo.com" Ukrayna qaynağına istinadən verdiyi xəbərə görə, Turçinov Rusiya tərəfdən real təhlükəyə bir daha diqqət yönəldərək deyib: “Rusiyanın Ukraynaya qarşı kontinental müharibə ehtimalı ilə bağlı bizim silahlı qüvvələrimiz tam döyüş hazırlığı vəziyyətinə gətirilib”.
O, eyni zamanda bütün regionlar müraciət edərək, onları Ukraynanın müdafiəsi üçün birləşməyə çağırıb.
“Biz hər bir vilayətdə ərazi müdafiə taborlarının yaradılması haqda əmr vermişik. Bizim bu birləşmələri təhlükə anında istənilən başqa regionu müdafiə eləmək üçün ora mobil şəkildə göndərmək imkanlarımız olmalıdır”, – deyə Ukraynanın dövlət başçısı qeyd edib.
