“NATO-da dövlət çevrilişi cəhdindən sonra Türkiyənin üzvlüyünün şübhə altına alınması məsələsi müzakirə mövzusu deyil”.

Xeberinfo.com:   Türkiyə KİV-inə istinadən xəbərə görə, bu barədə NATO-nu rəsmi təmsilçisi bildirib.

Məlumata görə, rəsmi nümayəndə kütləvi informasiya vasitələrində yayılan bu məlumatın həqiqəti əks etdirmədiyini söyləyib.
“Türkiyə NATO-ya əhəmiyyətli töhfə verən dəyərli müttəfiqdir. Böyük təhlükəsizlik çağırışları fonunda Türkiyə alyansın konsesusa əsaslanan bütün qərarlarının qəbul edilməsinə hərtərəfli qatılır. Türkiyənin NATO-ya üzvlüyünü sual altına almağa dəyməz. Alyansımız kollektiv müdafiəyə sadiqdir və demokratiya, fərdi azadlıq, insan haqları və qanunun aliliyi prinsiplərini əsas tutur. NATO hesab edir ki, Türkiyə yeni töhfələr verəcək. Türkiyə NATO-nun dəstəyinə və həmrəyliyinə arxayın ola bilər”, – deyə alyansın rəsmi təmsilçisi vurğulayıb.
Xatırladaq ki, Türkiyə prezidenti Rəcəb Tayyib Ərdoğanın Rusiya səfəri zamanı iki ölkə arasında hərbi əməkdaşlıq məsələsi də müzakirə edilib. Türkiyənin xarici işlər naziri Mövlud Çavuşoğlu isə bildirib ki, Rusiya ilə əməkdaşlıq etməklə ölkəsi NATO-ya qarşı addım atmır.