AZ
RU
Türkiyədə SQ-yə yeni baş qərargah rəisi təyin edildi - Ümit Dündar
Türkiyənin baş naziri Binali Yıldırım bəyan edib ki, Türkiyə Silahlı Qüvvələrinin baş qərrgah rəisi vəzifəsinə 1-ci ordunun komandanı Ümit Dündar təyin edilib.
Xeberinfo.com: Xatırladaq ki, bu gecə Türkiyədə hərbi çevriliş cəhdi olub. 60 nəfərə yaxın adam ölüb. Gərginlik davam edir.
Binali Yıldırım bildirib ki, baş qərargahta girov alındığı xəbəri gələn SQ baş qərargahının sabiq rəisi, ordu generalı Hülusi Akardan hələ səhih xəbər yoxdur.
Onu da qeyd edək ki, gecə, hadisələrin ən gərgin vaxtında Ümit Dündar televiziyada canlı bağlantıda aşağıdakı sözləri deyib: "Bu TSK tərəfindən dəstəklənən bir hərəkət deyil. Bu hadisələr meydana gəldiyi anda etibarən hörmətli valimizlə bir araya gəldik və diqqətimizi İstanbula yönəltdik. Buradakı problemi həll etmək üçün çalışırıq. Qiyamçılar 1-ci ordu komandanlığı içində kiçik bir qrupu təmsil edirlər. Narahatlıq törədəcək bir vəziyyət yoxdur, bunlara qatılmayan və bu anda əmr gözləyən digər birliklərlə birlikdə lazımlı tədbirləri alırıq".
.jpg)
