AZ
RU
Rusiya daha bir təyyarəsinin vurulması xəbərini təkzib etdi
Rusiyanın Müdafiə Nazirliyi bir sıra ölkələrin mətbuat orqanlarının bu gün guya Suriya ilə Türkiyənin sərhədində daha bir təyyarəsinin vurulması xəbərini təkzib edib.
Xeberinfo.com: «RİA Novosti» agentliyinə istinadən xəbərə görə, bu barədə nazirliyin rəsmisi İqor Konaşenkov deyib: «Bu xəbərlər tamamilə uydurmadır. Suriyada terrorçuların infrastrukturunun məhv edilməsi tapşırıqlarını yerinə yetirən bütün təyyarələrimiz aviabazaya qayıdıblar».
Rusiyanın Müdafiə Nazirliyində onu da bildiriblər ki, bu ölkənin Suriyadakı hərbi bazasında 50 jurnalist çalışır və onlardan belə bir faktı gizlətmək mümkün olmazdı.
