Ukrayna KİV-nin məlumatına görə, prezident Poroşenko hesab edir ki, Ukrayna qitənin ən «güclü və əzəmətli» ordularından birini yaratdığı üçün Donbasda münaqişə səngiyib (Rosbalt).

"Xeberinfo.com":   «Bilirsinizmi, Putin nə üçün sakitləşib? Ona görə ki, o, elə edə bildi ki, biz bircə ayın içərisində qitənin ən güclü və əzəmətli ordularından birini yaratdıq. Putin üçün bu, çox baha başa gəldi» – deyə, “Le Point” nəşri Poroşenkodan sitat gətirir.

Ukrayna prezidenti qeyd edib ki, «Normand dördlüyü»nün işindən tam razıdır və əmindir ki, franko-alman ittifaqı Avropanın hərəkətverici qüvvəsinə və Ukraynanın bütövlüyünün qarantına çevrilib: «Amma Rusiya, təəssüf ki, son sözünü demədi. Atəşkəs qüvvədə qalır və yuxudan oyanarkən, gecə daha bir Ukrayna əsgərinin həlak olmadığı xəbərini eşitmək sevindiricidir. Mən sizə belə deyərdim: Xoşbəxtliyə çatmaqda bədbəxtlik yardımçı oldu. Bizim qəhrəman ordumuz 20-ci əsrin ordusu olaraq qalır. O, 21-ci əsrə beləcə də daxil olacaq».

AzPolitika.info