AZ
RU
Lukaşenko 5-ci dəfə prezident seçilməyə hazırlaşır
Aleksandr Lukaşenkonun təşəbbüs qrupu onun prezidentliyə namizədliyini sentyabrın 5-də Belarusun Mərkəzi Seçki Komissiyasına təqdim edib
"Xeberinfo.com": Musavat.com xəbər verir ki, Belarus qanunlarına görə, qeydiyyata düşmək üçün hər bir namizəd 100 min imza toplamalıdır. A.Lukaşenkonun komandası isə 1,7 milyon imza toplayıb. A.Lukaşenkodan başqa, daha yeddi nəfər öz namizədliyini irəli sürüb. Bu namizədlərdən yalnız üçü lazım olan sayda imzanı toplaya bilib. Onlar Belarus Liberal-Demokrat Partiyasının lideri Serqey Qaydukeviç, "Həqiqəti Danış" Vətəndaş Hərəkatının fəalı Tatiyana Korotkeviç və alim-iqtisadçı Viktor Tereşenkodur. Ölkədə prezident seçkilərinin oktyabrın 11-də keçirilməsi planlaşdırılıb. Qeyd edək ki, Aleksandr Lukaşenko artıq 21 ildir ki, hakimiyyətdədir. O, ilk dəfə 1994-cü ildə prezident seçilib. Bundan sonra o, daha üç dəfə 2001, 2006 və 2010-cu illərdə prezident seçilib.
.jpg)
