AZ
RU
“NATO nüvə silahının tətbiqi ilə bağlı siyasətini dəyişəcək”
NATO Ukraynaya görə Rusiya ilə münasibətlərdə gərginliyin artmasına cavab olaraq, nüvə silahının tətbiqi ilə bağlı öz siyasətini dəyişmək fikrindədir.
"Xeberinfo.com": Məlumata görə, bu barədə “The Guardian” nəşri yazıb.
“Rusiyanın açıq şəkildə öz nüvə qüvvələrini artırmaq planlarından dolayı real narahatlıq mövcuddur. Alyans daxilində bu xüsusda çoxlu diskussiyalar gedir. Biz cari vəziyyətlə bağlı zəruri sayıqlığı saxlamalıyıq”, - deyə NATO-dan olan diplomat nəşrə söyləyib.
NATO-nun nüvə strategiyası Brüsseldə üzv ölkələrin nazirləri səviyyəsində kuluarlarda müzakirə olunmalı idi. Ancaq ABŞ alyansın nüvə strategiyasının yenilənməsi, NATO hərbi təlimlərində atom silahının rolunun artırılması ilə bağlı görüşü bu ilin sonunadək təşkil eləmək niyyətindədir.
Bundan başqa, Rusiyanın öz nüvə silahlarını modernləşdirmək haqda verdiyi bəyanatları necə başa düşmək yönündə müzakirələr planlanlaşdırılır: yəni bu bəyanatlar ciddi qəbul olunmalıdır, yoxsa sadəcə, aqressiv ritorikadır?
Musavat.com
