AZ
RU
ABŞ neft ixracı qadağasını ləğv edir
ABŞ Senatı ölkənin neft ixrac etməsinə qoyulmuş qadağanın ləğvini nəzərdə tutan qanun layihəsi üzərində işə başlayıb
"Xeberinfo.com": APA-nın “İnterfaks”a istinadən verdiyi xəbərə görə, bunu Senatın Enerji və təbii ehtiyatlar komitəsinin sədri Liza Murkovski deyib.
L. Murkovski bildirib ki, bu addım satış bazarının genişlənməsinə və NATO ölkələrinin Rusiyadan enerji asılılığını azaltmağa imkan verəcək. O, hazırda Polşanın Rusiyadan bu sahədə 96% asılılığı olduğuna diqqət çəkib.
Senator qeyd edib ki, qadağanın ləğvindən ehtiyatlananlar ölkə daxilində yanacağın qiymətinin yüksələ biləcəyini səbəb göstərirlər. Lakin ABŞ-ın iri neft şirkətlərindən biri - “ConocoPhillips”in Direktorlar Şurasının sədri və baş icraçı direktoru Rayan Lens əksinə, qadağanın ləğvindən sonra ölkədə benzinin ucuzlaşacağını söyləyib. Onun sözlərinə görə, 2016-cı ildə ABŞ sıxılmış təbii qaz ixracatçısına, 2020-ci ildə isə Kanada ilə birlikdə neft ixracatçısına çevrilə bilər. R. Lens neft ixracının hasilatın əlavə 3 milyon barel həcmində artmasına stimul verəcəyini də əlavə edərək yeni enerji strategiyasının ciddi şəkildə nəzərdən keçirilməsinin zəruri sayıb.
