Yenixeber.org: Sumqayıt bulvarının uzunluğu rəsmi 4,2 km olduğu açıqlanıb. Məktub göndərən oxuculardan biri isə maraqlı faktın şahidi olub.

Onun sözlərinə görə, təsadüfən əli telefonun düyməsinə dəyib və məsafəni ölçən proqram işə düşüb. Bu zaman bulvarın uzunluğu rsmi məlumatlarda qeyd olunduğu kimi 4,2 kilometr yox, heç 2,5 kmdeyil, 2km-dən bir qədər artıq göstərib.

“Təəccüb etdim deyə, maraq üçün təzədən ölçdüm. Özü də bu dəfə bulvarın qapılarından – girişindən axırıncan, gəmilərin gedəcəyi planlaşdırılan dənizin içinə olan estakadaya qədər, yəni ölçünü başlanğıcından axıradak artıqlaması ilə götürdüm.

Mən yenə gəldiyim nəticəyə inanmadım, fikirləşdim bəlkə proqram səhv qeyd edir,buna görə Google Map-a girdim.

Bütün dünyanın etibar etdiyi, sanballı, mötəbər resursu təsdiq etdi ki, bulvarın uzunluğu 2 km-dən bir az çoxdur.

Bəlkə də əslində ola bilsin uzunluq, bulvarın ilkin proyektinə görə 4,2 olmalı idi. Hətta  bulvarın kənarında bulvar boyu paralel uzanan avtomobillə də getsəz sərf olunan kilometrajla da buna əmin olmaq olar.

Əlbəttə bu ölçülərdə 5-10 metr əskik fərq ola bilər. Amma 2 km heç zaman. Düzdür bulvarın qurtacağında, “Priçal” restoranının yanından düz gedən yarımçıq tikili – yol var. Amma bulvarın girəcəyindən Corata tərəf gedən çıxıntı da heç 50 metr olmaz”,-deyə oxucu yazır.

Tikintisi 2015-ci ilin oktyabrında başlanılan Sumqayıt bulvarı keçən ilin senyabrında  istifadəyə verilib.

Məqsəd nədir? Ola bilməz axı tikintisinə milyonlar xərclənən bulvarın real uzunluğundan bulvarın tikintisini aparanların və şəhər rəhbərliyinin xəbəri olmasın?!

Emil Salamoğlu/AzEuroNews/