AZ
RU
Qobustan təhsilində 180 min manatlıq müəmma
Xeberinfo.com: Qobustan Təhsil Şöbəsində qalmaqal baş verib. Yaxın vaxtlarda Maliyyə Nazirliyinin aparacağı yoxlamalardan dolayı ilkin araşdırma zamanı məlum olub ki, 180 min manat vəsait təyinatı üzrə xərclənməyib.
Demokratiya.info xəbər verir ki, təhsil şöbəsinin müdiri Füzuli Gülalıyev yaranmış vəziyyətdən qorxuya düşüb. O, bu qədər pulu necə geri qaytaracağını belə bilmir. Məlumatlarda deyilir ki, həmin pulun 9180 manatı yumuşaq inventarların satın alınması adı ilə silinib.
Bu pulun 18934 manatı isə avadanlıqların satın alınmasına xərclənib ki, bu sənəd üzərində olan əməliyyatlardan biri sayılır. Digər maşın və avadanlıqların satın alınmasına sərf olunmuş vəsaitin həcmi 37170 manat olub ki, bunun da reallığı əks etdirmədiyini Qobustanda bilməyən yoxdur.
Füzuli Gülalıyevin həyata keçirdiyi əməliyyatlardan ən böyüyü bərk inventarların alınması zamanı baş verib ki, bu zaman 75500 manatın silindiyi iddia edilir. Vurğulanır ki, əsaslı təmir işləri üçün ayrılmış 46000.12 manatın da aqibəti digərlərindən fərqlənməyib.
Qarşı tərəfin mövqeyini öyrənməyə hazırıq
