AZ
RU
Uşaq evində işgəncə:Ombudsman nümayəndələri Şəkidədir (VİDEO)
Uşaq evində yeniyetmələrə işgəncə verilir.
Yenixeber.org: AzNews.az-a istinadən xəbərə görə, hadisə Şəki Qarışıq Tipli Uşaq Evində qeydə alınıb. Belə ki, “Uşaq Evlərinə Qayğı” İctimai Birliyinin rəhbəri Sahib Teymurov 18 yaşlı qıza işgəncə verilməsi ilə bağlı video yayımlayıb. Videogörüntüdə müsahibə verən Aysel ona işgəncə verildiyini deyir: “Çox sıxırlar, ora getmə, bura getmə, işgəncə verirlər. Döyürlər bizi. Çubuqla başımıza, taxta ilə belimizə vururlar. Bizi burada çox incidirlər. O qədər döymüşdülər ki, özümü asmaq istədim. Neynəyim, həyatdan bezirdim. Ürəyimdə fikirləşirəm ki, kimsəsizəm, valideynim olsaydı, heç kəs mənə belə etməzdi”.
Məsələ ilə bağlı Şəki Qarışıq Tipli Uşaq Evi ilə əlaqə saxladıq. Direktor müavini AzNews.az-a açıqlamasında bildirib ki, hazrda Ombudsman uşaq evindədir və o, rəhbərliklə görüşür:
“Videogörüntü ilə bağlı bütün suallara ancaq direktor cavab verir. Onun da yanında Ombudsman olduğundan telefonu götürə bilmir.”
.jpeg)
