AZ
RU
Türkiyədə hava şarı partladı:Baş konsulun müavini öldü
Türkiyənin məşhur turizm bölgələrindən olan tarixi Kapadokya ərazisində bədbəxt hadisə baş verib.
Yenixeber.org: Türkiyə KİV-ə istinadən xəbərə görə, Nevşehir vilayətində yerləşən turizm zonasından qalxan hava balonu Ortahisar qəsəbəsi yaxınlığında yüksək gərginlikli elektrik naqillərinə toxunub. Nəticədə hava balonu partlayıb və sürətlə yerə doğru enməyə başlayıb. Balonun yerə çırpılması nəticəsində turistlərdən biri hadisə yerində ölüb.
Artıq ölən şəxsin kimliyi müəyyənləşib. Məlum olub ki, bu, Fransanın İstanbuldakı baş konsulunun müavini Vinsent Kavmantatdır.
Onu da qeyd edək ki, məlum hadisə nəticəsində daha 20 nəfər yaralanıb. Onlardan üçünün vəziyyətinin ağır olduğu bildirilir.
Araşdırma aparılır.
