AZ
RU
Bir gündə 2 intihar -Zərdabda və Sabirabadda
Zərdab rayonunda intihar hadisəsi baş verib.
Yenixeber.org: Bu barədə Zərdab rayon Prokurorluğundan məlumat verilib.
Məlumata görə, hadisə rayonun Allahqulubağı kəndində qeydə alınıb. Kənd sakini, 1955-ci il təvəllüdlü Babayev Əbdülməmməd Əbdülhəmid oğlu yaşadığı evin həyətindəki tövlənin tavanından özünü asaraq intihar edib.
İntiharın səbəbləri hələlik məlum deyil. Faktla bağlı Zərdab rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsilə cinayət işi başlanıb. (“Trend”)
Sabirabad rayonunda intihar hadisəsi baş verib.
Axıska kənd sakini, 1952-ci il təvəllüdlü yaşlı Hümmətova Cəmilə Abdulhüseyn qızı özünü yaşadığı evdə asaraq intihar edib.
Onun hansı səbəbdən intihar etməsi hələlik məlum deyil.
Faktla bağlı cinayət işi başlanılıb, araşdırma aparılır. (APA)
