AZ
RU
“Qarabağ münaqişəsi Rusiyanı narahat etməyə bilməz” -Rusiya Dövlət Dumasının sədri
“Rusiya Qarabağ nizamlanmasını hər zaman nəzarətdə saxlayır”.
Yenixeber.org: “İnterfaks”a istinadən məlumata görə, bunu İrəvanda səfərdə olan Rusiya Dövlət Dumasının sədri Vyaçeslav Volodin Ermənistan parlamentinin sədri Qalust Saakyanla görüşdə bildirib.
“Rusiya bu münaqişənin nizamlanmasına diqqətlə, Vyana və Sankt-Peterburqda əldə olunan razılaşmalar çərçivəsində yanaşır. Dağlıq Qarabağ münaqişəsinin maksimal dərəcədə nizamlanması və Cənubi Qafqazda gərginliyin olmaması üçün çox şey edilib. Ancaq bu yolla getmək lazımdır ki, ümumilikdə gərginlik aradan götürülsün”, – deyə Volodin qeyd edib.
Duma sədri onu da vurğulayıb ki, Dağlıq Qarabağ münaqişəsinin nizamlanması mövzusu hər zaman nəzarətdədir: “Nəzərə almalıyıq ki, belə məsələlər bizi narahat etməyə bilməz”.
.jpg)
