Və ya: “Get, sən qoca qarısan, qorxaqsan, qulsan, sən ermənisən!”

Yenixeber.org: “Tayqadan Britaniya dənizlərinə qədər Qırmızı Ordu ən güclüdür”. Vətəndaş müharibəsi illərində bolşeviklərin qondarma “müstəqil” sovet respublikalarına təcavüzünə haqq qazandıran məşhur mahnının bu sətirləri uğurlu alındı. Doğrudan da, o zaman Qızıl Ordu yenilməz idi, yolunda olan hər şeyi və hər kəsi darmadağın edirdi.

Bu gün Rusiya siyasi isteblişmenti “qırmızı” naftalin qoxusundan ilhamlanaraq, bolşevik uğurlarını Ukraynaya proyeksiya etməyə çalışır. Kreml rusların “beyinlərinə” sızmağa çalışsa da, oradakı boz maddə “vətənpərvərlik” hissini rədd edir.

Amma bu, o qədər də pis deyil. Belə çıxır ki, “Xüsusi Hərbi Əməliyyat”da (SVO) iştirak etmək şərəf deyil, cəzadır. Bu fikir Çeçenistan Respublikasının rəhbəri Ramzan Kadırovun sözlərindən irəli gəlir.

O deyir: “Çeçenistandakı bütün cinayətkarları inzibati məsuliyyət əvəzinə müharibəyə göndərmək istəyirik. Əgər qanuna hörmət etmirsinizsə, ya icazə verilən maksimum müddətə həbs olunun, ya da müqavilə imzalayın, SVO zonasına göndəriləcəksiniz. Onları inzibati məsuliyyətə cəlb etməkdənsə, qanun pozucularının Rusiya qoşunlarının sıralarında xidmətə göndərilməsi daha məqsədəuyğun olardı. Nəzərə alsaq ki, 2500 nəfərlik yeni alay formalaşdırırıq, bu, məqsədəuyğun olar. Hər kəs üçün yerlər tapılacaq”.

Onun sözlərinə görə, təşəbbüs boş, əxlaqsız həyat tərzi keçirən, avtomobilini istənilən yerdə saxlaya bilən, qanunsuz narkotik vasitənin təsiri altında olarkən sükan arxasına keçə bilən, yol hərəkəti qaydalarını pozan, münaqişələr yaradan gəncləri əhatə edəcək.

Super! Deməli, kobud yaltaqlığı ilə Vladimir Putinə xoş gəlməyə çalışan Ramzan Kadırov ona “ayı xidməti” göstərdi.

Yəni, görün bu, nə deməkdir? İndiyə qədər Putinin dediyi və bütün pravoslav müqəddəslərin xeyir-dua verdiyi və guya milyonlarla günahkarın dəstəklədiyi “Kiyev rejiminin” “denazifikasiyası” boş söhbət imiş.

Belə çıxır ki, bütün problem yol hərəkəti qaydalarının pozulması olub. Baxmayaraq ki, belə deyil. Rusların problemi onların zorla “şərəfləndirilməsi” olacaq.

Belə olan halda Putinlə Kadırovun dialoqu maraqlıdır: bu “yazıq pozucular” kimdir? Onlar həqiqətən qəhrəmandırlarmı?

Ancaq məni maraqlandıran sual budur: Kadırov öz ağasını razı salmaq yolunda dayanacaq, yoxsa yeni-yeni ideyalar generasiya edəcək?

Ola bilsin ki, bundan sonra svetoforun qırmızı işığında piyadalar sürəti bir az azaltsınlar. Çeçenlər, hazır olun və ətrafınıza yaxşı baxın. Maşın sizi tapdalamasa, deməli, Ramzan həmişə bu prosessdə iştiraka hazırdır.

Hər halda, Ramzan yanlış yolu seçib. Ukraynada böyük qələbədən pafosla danışmaq və yol hərəkəti qaydalarının pozulmasının arxasında gizlənmək hörmətə layiq deyil, acınacaqlıdır.

Amma, Kadırov üçün yaxşı variant var: yol hərəkəti qaydalarını pozanlar çoxaldıqca, Allah bilir, nə üstə başlarını fiziki mənada itirməyə hazır olan “rus vətənpərvərləri” o qədər çoxalacaq.

Bütün bu ura-patriotizmi çətinliklə də olsa, başa düşmək olar. Bəs yol hərəkəti qaydalarının pozulmasını Ukraynadakı müharibə ilə necə əlaqələndirmək olar?

Amma, yox. Deyəsən, mən hər şeyi başa düşdüm. Kadırov sadəcə olaraq Puşkinin “Tazit” poemasını oxumayıb. Bu əsərdə hər şey lakonik şəkildə deyilir: “Get - sən mənim oğlum deyilsən, çeçen deyilsən - sən qoca qarısan, qorxaqsan, qulsan, sən ermənisən!”.

Beləliklə, çeçenlərin iki yolu var. Ya öz kökünə qayıtmaq, ya da “qorxaq və kölə” olmaq. Hətta son variant da erməni damğası vurulmasından qat-qat yaxşıdır...(AYNA)